112學年之本土語之每周一句教學回饋

 

 

 

112學年藝曲遊戲之心得分享之國語小作家

 

111學年台語課之我是台語小老師

 

111學年度沉浸式本土語教學共備坊II

 

111學年度沉浸式本土語教學共備坊 I

 

 

 

110學年度下台語課活動花絮

 

 

109學年度本土語上課花絮(春節教學)

 

 

 

 

 

 

108學年度頂學期本土語教師上課花絮

客語社團１０８．１０．２８教學賞析

 

 

 

 

 

 

 

 

 

 

 

閩南語蔡坤助老師自主參加研習精進教學知能

 

客語陳俞琳老師自行創作教材、教具、客家花布作品

 

 

 

 

 

 

本校邱雪卿老師自行創作「仁美答喙鼓」閩南語言講稿，

協助指導學生代表本校參加校際比賽

    A：張瀞文         B：吳仲恩

Ａ：矮。矮。矮

Ｂ：矮，啥物矮!仰我閣肥肥肥咧!我是矮肥短，矮閣肥閣短『金蜜蜂冬瓜露』一罐短短真正退火。

Ａ：你今阿日是要來賣飲料喔？

Ｂ：不是，我今仔日欲來佮妳答喙鼓。

Ａ：按呢，先給大家行禮

合：張瀞文、吳仲恩，共逐家請安問好，逐家平安健康沒煩惱。

Ａ：咱今仔日是欲講啥物予大家聽？

Ｂ：「講台語真心適」

Ａ：阿恩仔，恁阿母是越南人，你哪會講台語？

Ｂ：佇厝裡我攏嘛和阿嬤講台語，所以台語沒問題啦！

Ａ：我嘛仝款。自細漢，阿嬤就教我唸十二生肖

Ｂ：十二生肖我嘛足𠢕唸，一鼠賊仔名，二牛駛犁兄，三虎山磐，四兔遊京城。

Ａ：換我，換我，五龍皇帝命，六蛇眾人驚，七馬跑兵營，八羊食草嶺。

Ｂ：九猴樹頭，十雞啼三聲，十一狗顧門口，十二豬菜刀仔命。

Ａ：喔！貓爬樹頭─毋成猴！你擱真正有夠𠢕！一面記十二生肖，一面學數字。

Ｂ：這是「一兼二顧，摸蜊仔兼洗褲」

Ａ：講起來，咱攏是阿公阿嬤兮金孫喔！

Ｂ：歸欉好好，沒錯。我若喊「無聊，無聊」，阿嬤就檔不住。就緊我來去來去踅夜市（可唱歌）

Ａ：踅夜市，你尚愛吃叨一味？

Ｂ：鹹 酥 雞！

Ａ：喔！這味乎囝仔吃了精神好，大人吃了嘸煩惱，老人吃了觸舌擱呵咾啊擱…呵…咾

Ｂ：按呢聽起來妳一定嘛真愛吃。

Ａ：沒偌愛吃，一遍吃三包ㄋ一ㄚ ㄋ一ㄚ。

Ｂ：三包？ㄚ妳是「墓仔埔放炮~要驚死人喔」，莫怪人講：「瘦郎𠢕變鬼，瘦田𠢕sò水！」妳要細膩喔！別得大腸癌。

Ａ：聽你凊彩黑白講，我食魚食肉嘛攏有菜佮。

Ｂ：喔！莫怪！妳有吃有行氣，有拜有保庇，所以就生得這秀氣。

Ａ：你不甘嫌啦！

Ｂ：阿我生著矮罔矮，嘛食未輸妳，阿嬤定耕替我有毛兮食徦賰棕蓑、無毛兮食徦賰秤錘。

Ａ：有肉兮食徦賰肉燥、無肉兮食徦賰糞埽。對不對？

Ｂ：黑瓶仔底豆油~沒底看喔！想不到妳也密這句。

Ａ：抑擱有呢！兩跤兮食徦賰樓梯、四跤兮食徦賰桌椅。

Ｂ：𠢕！𠢕！真正有夠𠢕(拍手 鼓勵)

Ａ：是講會吃嘛是福氣啦！好額毋值得會食，好命毋值得勇健！

Ｂ：是，愛好命，要勇健就要骨力四界走

Ａ：我尚愛綴阮阿爸阿母去四界趴趴走，海邊、山頂逐位到，久偌嘸出去七逃就想嘜哭。人講坐飛機看天頂。

Ｂ：我攏看飛機在天頂

Ａ：坐船仔看海湧。

Ｂ：我攏泅水耍海湧

Ａ：坐公車上界省

Ｂ：１１路的公車確實有影省！

Ａ：我尚愛騎卡打車去運動，看風景。

Ｂ：我騎卡打車是信紲挽龍眼。

Ａ：我擱咧摘鳳梨咧！

Ｂ：沒嘸對，阮叨的後山，龍眼、鳳梨滿滿是。好吃、壞吃自己試。

Ａ：阮叨的阿嬤是鳳梨龍眼排排歸桌頂，叫阮麥食自己撿。

Ｂ：讚哪！講到咱鳥松區的鳳梨，幼膩好吃世界第一等。

Ａ：酸甜啊酸甜的滋味，偌像阿母初戀的記迪。

Ｂ：冰乎涼涼蓋退火。

Ａ：你囝仔人跤瘡三斗火。

Ｂ：歡迎大家來坔埔山，吃鳳梨。

Ａ：乎恁金銀財寶旺旺來。

Ｂ：時間短短，阮將初淺的臺語來遮展，請恁毋通來棄嫌。

Ａ：臺語是萬底深坑，想要學到逐項捌，可能愛等到頭髮、喙鬚攏拍結。

Ｂ：講臺語實在誠心適，短短鬥句的俗語，就會當表達滿滿的道理。

Ａ：這是咱祖先留下來的經驗佮智慧，咱袂使放袂記。

Ｂ：它的押韻是媠甲無地比。

Ａ：阮今阿日講到遮結束。

 

〈合〉張瀞文、吳仲恩，落臺行禮，感謝逐家！